How to avoid Sleep while Studying | पढ़ते समय नींद से कैसे बचे – Hindi Motivation Video for Students


hello doston! ye jo neend hai ye sone ke time pe aaye ya na aaye lekin padhayi ke time pe zaroor aa jaati hai aur I know ki ye problem bohut saare students ki hai aur bohut saare students iska solution chahte hain jaise main apni har video mein aapki har problem ko baari-baari solve kar raha hu toh iss video mein bhi main aapki iss problem ko solve karuga so that padhayi ke time pe aap neend ko door bhagaa paayein aur apna time use kar paayein
apne results ko better kar paayein apni performance ko badhaa paayein so iss video mein, main aapke saath share karunga Rainbow Technique jo aapki neend ko bhagaa degi and agar aap sach mein chahte hain ki iss video se aapko fayda ho, aapki neend bhaage toh iss video ko shuru se leke end tak dekhein ‘R’ se le ke ‘W’ tak hum discuss karenge last tak iss video ko dekh ke fir aap iss technique ko use kar paayenge issey fayda le paayenge apni neend ko goodbye keh paayenge Rainbow ka ‘R’ Read Out Loud kya aapko pata hai ki bol-bol ke padhne se hamare mind ko vibrations receive hote hain jinki wajah se mind hamesha jaga rehta hai active rehta hai aur humein neend se bachaye rakhta hai aur jab aap loud bol kar padhte ho na toh har information aapke dimaag tak visually toh pohuch he rahi hoti hai lekin saath he saath bolte rehne se aapke mind ko wahi information verbally bhi receive hoti hai aur uss wajah se cheezein yaad hone lagti hai jiski wajah se dheere dheere aapka uss time padhayi mein interest banna shuru ho jaata hai aur ek baar kisi cheez mein interest ban gaya toh neend toh hat he jaayegi han agar kisi aisi jagah ho jahan pe loud nahi bol sakte jaise ki library mein toh uss case mein chahe dheere dheere bolo lekin bol ke zaroor padho so that aapka mind jo hai wo active rahe aur neend ko bhagaa paaye ab Rainbow ka ‘A’ Avoid heavy meals aapko pata hai meri daadi kya kehti hain? wo kehti hain ke halka-fulka khaoge toh sadaa gun-gunaoge jo bhaari bhojan khaaoge toh jald he so jaoge jab bhi hum bohut saara khaana ek saath kha lete hain toh humein neend aane lagti hai kyunki uss khaane ko digest karne ke liye body kaafi amount mein blood ko digestive system tak pump karti hai jissey ki kuch der ke liye jo brain hai usme khoon ki kami ho jaati hai jiski wajah se drowsiness hone lagti hai humein thoda lazy feel hona shuru ho jaata hai aur fir humein neend aane lagti hai isliye koshish karein ki jab bhi khaayein toh kam quantity mein khaayein jissey ke neend na aaye light meals lein heavy meals mat lein so friends ek he baar mein zyaada khaane se acha hai ki kam quantity ko baar baar khaaya jaaye so that neend jo hai wo aapko pareshaan na kare ab chalte hain Rainbow ke ‘I’ pe Intervals ek insaan ki kisi bhi kaam ko karne mein jo concentration ki limit hai wo 45 minutes se 1 ghantey tak ki hoti hai jiske baad uska dimaag jo hai wo thakne lagta hai jiski wajah se environment boring ho jaata hai aur jab kuch interesting nahi lag raha hota toh neend aane lagti hai so, aap bhi check karein ki aapka ek sitting tak concentration level kitna hai ek baar mein kitni der baith sakte ho usskey hisaab se apne intervals apni breaks lo maan lijiye ki aapka maximum concentration level concentration power 45 minutes hai toh har 45 minute ke baad ek 10 se 15 minute ki break lo aisa karne se jo aapka thaka hua mind hai wo refresh ho jaata hai 10-15 minute ke break usko fresh kar deti hai aur jo aap sleepy feel karne wale hote ho aap sleepy feel nahi karte so, 10 se 15 minute ki break le ke aap firse padhne baithein aur aap notice karoge ki 10-15 minute ki break ke baad aapka jo concentration power hai, wo refresh ho chuka hoga aur aap usko firse utilize kar paaoge ab chalte hain Rainbow ke ‘N’ ki taraf which is Napping doston, har baar 15 minute ki break lena bhi theek nahi hai kyunki kayi baar sach mein aapko neend aa rahi hoti hai aap kuch bhi padhna chah rahe ho wo oopar oopar se jaa raha hai jo time aap laga rahe ho uss ka fayeda nahi ho raha aisi situation mein, aise case mein sach mein ek need lena better hai zyada sahi solution hai iske liye aapko apne poorey din ko ek baar monitor karna hoga ki aapki jo energy hai wo din ke kis time pe sabse low hoti hai kis time pe aapki energy aisi hoti hai ki aap chah kar bhi padh nahi sakte uss time pe aap ek nap le lijiye so jaaiye, so that jab aap so ke uthein toh ek dum fresh mehsoos kar sakein bohut se logon ke saath aisa bhi hota hai ki din ka khaana, yaani lunch karne ke turant baad unhe bohut tez neend aa rahi hoti hai aur uss time pe wo so jaate hain toh jab wo neend se uthte hain toh bohut he fresh feel karte hain aur apne kaam ko better tareeke se, better focus ke saath kar paate hain so, friends iss tarah se aap bhi dekhein ki din ka aisa konsa time hai jab aap sabse zyada sleepy feel karte ho uss time pe apne aap ko zabardasti padhane ki jagah, uss time ko apna napping time banalo so jao, aur so ke fresh utho aur firse concentration ke saath padhayi kar paao Rainbow ka ‘B’ ‘B’ for Be Upright kuch students ki aadat hoti hai ki wo bed pe baithe-baithe padhte hain lekin unhe pata bhi nahi chalta ki kab unhoney bed pe apni position change karna shuru kar dia aur kab wo neend ke hawale ho gaye so, doston hamesha jab bhi padhne baitho toh apni table chair pe he padhne baitho kyunki chair pe baithne se posture theek rehta hai jiski wajah se body proper amount mein blood brain tak deliver karti hai aur jab brain ko blood proper tareeke se mil raha hota hai toh hamari concentration power badhti hai aur hum padhne waqt neend nahi aati and friends chair pe baith ke padhne mein aur bed pe baith ke padhne ke peeche ek psychological reason bhi hai jab aap bed pe baith ke padhte ho ya bed pe let ke padhte ho toh aapka jo subconscious mind hai wo aapko relaxation feel karwane lag jaata hai jiski wajah se aap apne comfort ka posture dhundne lagte ho aur phir aapka mind dheere-dheere aapko sleepy feel karwane lag jaata hai aur agar aap chair pe baithte ho toh aapka subconscious mind aapko ye feel karwata hai ki abhi aap jo kar rahe ho wo kuch important hai aap chair pe baithe ho aap kuch kaam kar rahe ho so aise chair pe baithne ki wajah se aapka mind alert rehta hai aur aapko sleepiness feel nahi hoti so friends, biological reason and psychological reason dono yehi kehte hain ki chair aur table pe baith ke padho matlab table pe nahi baithna chair pe baith ke padho bed pe baith ke ya let ke nahi Rainbow ka ‘O’ Organize Your Studies doston jab bhi padhne baitho toh ek baat ka khaas dhyan rakho ki jo aap padhne jaa rahe ho wo itna bhi zyada aapke liye hard na ho ki aapko usme interest na aaye phir aapko wo boring lagey aur aapko neend aa jaaye but I understand ki kayi baar koi topic aisa ho sakta hai jo hard hai, lekin padhna zaroori hai uss case mein aap saath mein apne interest wala bhi koi topic ya subject saath le ke baitho phir kya hoga ki jab bhi aapko wo hard sa topic padhne waqt neend si aane lage interest lose hone lage usi waqt aap apni pasand wala topic kuch der tak padhlo so that aap wapis fresh ho jao so, hard topic cover karte jao neend aane lagey toh easy topic interest wala topic pe jump kar jao kyunki logic bohut clear hai ki hamare mind ko jab uski pasand ki cheez nahi milti toh wo kuch der baad thakawat mehsoos karne lagta hai par fir jaise he usko uske interest ki koi cheez milti hai wo phir se active ho jaata hai aur fresh mehsoos karna shuru ho jaata hai so doston kitni bhi neend aa rahi ho saamne aapki favourite heroine khadi hogi fresh ho jaoge kitni bhi neend aa rahi ho lottery niklegi, ucchalna shuru kardoge matlab, ki neend itni important nahi hai hamare mind ko jab uske saamne koi interesting cheez hoti hai so, jab bhi neend aane lage apne interest wala topic pakad lo ussey fresh ho jao, phir uss freshness ko use karlo hard topic cover karne mein and jaise he dobara neend aane lage, phir interest wale topic pe switch kar jao ye swapping system aapko bohut benefit karega ‘W’ – Workstation Shuffle doston apne interest ka topic bhi pakad lia lekin phir bhi kabhi lagey ki neend ke chances ban rahe hain ya phir kisi bhi reason se neend aane lagey toh workstation shuffle bhi aapke kaam aayega workstation shuffle matlab apne padhayi karne ki jagah ko badalna kyunki hamara jo aas-paas ka environment hai wo hamare mood ko bohut impact karta hai jab hum ek he jagah baithe rehte hain toh same environment baar-baar dekhne se hamara mind bore ho jaata hai aur humein neend si aane lagti hai so aise mein aap try kar sakte ho apna workstation ko badalna jaise ki ghar ke garden mein chale jayein wahan padhayi kar lein ya chhat pe baith ke padh lein ya kisi doosre room mein jaa ke padh lein ki jab aap apna workstation badal lete ho na apne padhne ki jagah kuch time ke liye badal lete ho, toh aapka mind aisa feel karta hai jaise aap kahin ghoom rahe ho kisi outing pe ho so iss environment ke change hone se aapka mind pleasure wale hormones release karta hai pleasure feel karta hai accha feel karta hai khush feel karta hai jissey aapka mood ek dum change ho jaata hai neend chumantar ho jaati hai aur aap apni studies pe phir se focus kar paate ho indra dhanushi rango se teri duniya bhi sajne lagegi neend ho jaayegi kafur teri aur kaamiyabi tujhe milne lagegi aao doston ek baar iss video ko summarize kar lete hain aap chaho toh summary poorey hone pe iski ek photo le sakte ho, ya screenshot le sakte ho so that aap in points ko refer kar pao, yaad rakh pao Rainbow ka ‘R’ Read Out Loud loud bol ke padhne se mind ko vibrations bhi milti hain interest bhi create hota hai ‘A’ – Avoid Heavy Meals ek baar mein zyaada khaane se accha hai kam quantity mein zyaada baar khaana ‘I’ – Intervals har 45 minutes ke baad ek 10 se 15 minute ki break khud ko do ‘N’ – Napping jab nahi padha jaa raha jis time sabse low feel karte ho uss time pe neend leke refresh ho jao ‘B’ – Be Upright biological aur psychological reason dono yeh kehte hain ki bed ki jagah chair pe baith ke padho ‘O’ – Organize Your Studies hard topic ki wajah se neend aaye toh easy topic, interest wala topic saath-saath padhte raho ‘W’ – Workstation Shuffle neend bhagaane ke liye mood acha aur mood acha karne ke liye apne aas paas ka environment badalte raho doston meri iss video ki aur har video ki yehi koshish hai, yehi mission hai, yehi vision hai ki aapki padhayi mein aapke career mein aapki life mein main problems ko solve kar pau aur aapko assist kar pau aisi videos aapko milti rahengi agar abhi tak channel ko subscribe nahi kia toh neeche ‘Subscribe’ dabaa dein aur notifications wali bell ko on kar lein video kaisi lagi comments mein zaroor likhna mujhe aapke comments ka hamesha intezaar rehta hai aap pyaar dete rehte ho thank you so much! achi lagi ho toh ‘Like’ dabaa dena aur doosron ke saath bhi share karna phir milenge agli video mein till then, stay blessed! stay inspired! and I love you all!

Leave a Reply